Skip to content

Mahery fo – Buddha El Taga

avril 2, 2009

VERSE ONE

Niaina toy ny olon-drehetra tsy naniry fikorontanana
Niaina tam-pilaminana niaraka t@ fianakaviana sy ny havana
Mpiasa tany, tantsaha nionina t@ hery famokarana
T@ vanim-potoanan’ny fahamaroan’ny zanahary
Fa ny azy ny fangatahany sy ny fivavahany ho an’ilay mpamorona ny zavaboary
Faniriany, hitombo ny vokatra ka nidongidongy t@ tany
Ny vanin’andro latsak’orana no fanontaniana mipetraka matetika @ mpaminany
Fa tsy izany no valiny nomen’ny masina
Fa hoe hisy tafika avy any ampitan-dranomasina
Tonga hanafika, hanjanaka, hametraka ny didiny
Ka ho avy ny andro hizakana ny tena ngidiny
Vatan-dehilahy maro voatery handray sabatra tsy fidiny
Dia voatery koa tsy maintsy hiankohoka eo anoloanan’ny zanaharin’ny ady
Fa ny rivotry ny fifandonana no ho avy
Najanona ny asa aman-draharaha fanao mahazatra
Fa mbola ambony ny adidy ka sotoavina mandraha-paha lefin’ny daozin’ny fifandrafiana
Nefa izany moa ho tapitra rahoviana ?
Fa niara teraka @ fisian’ny aina ny habibiana
Niova ny rafitra misy,
Ka zanak’olombelona tokony hifamelona no hifamono sy tsy hifampitsitsy
Ka indro izy mpamboly tonga mpiady vonona andatsak’aina indrisy

REFRAIN

Ohatran’ny mpiady be medievaly
Maty ho an’ny taniny fa tsy niandrandra medaly
Maty fa tsy milavo lefona
Eo anatrehan’ny mpanjanaka mijoro ho rindrim-bato, mijoro ho andrarezina
Ohatran’ny mpiady be samouraï
Miady ho an’ny hery fiarovana fa tsy hery mpanafay
Miady fa tsy milavo lefona
Eo anatrehan’ny mpanjanaka endrika biby, endrika fahaverezana
Mahery fo ho an’ny taniny, mahery fo ho an’ny tenany
Mahery fo ho an’ny taovany mahery fo ho an’ny terany

VERSE TWO

Ambavahon’ny fifandonana, ka niroso t@ sakafo sisa hiarahan-komana
Fifanaovam-beloma t@ alahelo ary tsy mbola nanan-danja ohatr’izany ny fifanorohana
Ranomaso nipatrapatraka toy ny orana
Fa otran’ny andro farany ny andro famoizana
Indro vonona ampifandona vy, andoko mena ny havoana
Tsy manan-tsafidy fa hifanandrina @ fahavalo no nandaniana fotoana
Hikiaka nanakoako feno fitarainana
Fa tsy ampy ny fanazaran-tena manoloana ireto bibibiby fisainana
Lian-drà, tsy nahalala fo mangoraka, ny andrava ihany, andringana hatrany
Ka hisaona ny tany mandritra ny andro maro
Sabatra manoloana  ny tenda ka nitamberina tao an-tsaina tao anatin’ny sengondra iray ny fiainana taloha rehetra nahatsiaro…
Ny babibaby sy ny trotrotrotro natao t@ zanaka
Ka nahasahy namoy ny aina fa ny fananganan-tsandry teto fiarovana ny taranaka
Mafy ny ady, nefa mbola nanohy ny tolona
Ka tsy hijanona fa na maty na mandresy ny voadin’ny samouraï vondrona
Hara-kiri ny endrika miseho fa atody miady amam-bato ka lavo ireo mahery
Ny ankohonany zary tsisy nampionona fa manirery

REFRAIN

Ohatran’ny mpiady be medievaly
Maty ho an’ny taniny fa tsy niandrandra medaly
Maty fa tsy milavo lefona
Eo anatrehan’ny mpanjanaka mijoro ho rindrim-bato, mijoro ho andrarezina
Ohatran’ny mpiady be samouraï
Miady ho an’ny hery fiarovana fa tsy hery mpanafay
Miady fa tsy milavo lefona
Eo anatrehan’ny mpanjanaka endrika biby, endrika fahaverezana
Mahery fo ho an’ny taniny, mahery fo ho an’ny tenany
Mahery fo ho an’ny taovany mahery fo ho an’ny terany

VERSE THREE

Nanjaka ny fahanginana, akanjo mainty sy vato fasana no namikirana
Feo an-tomany sisa nanenika ny habakabaka
Lokon’ny faneva mainty sy mena no hita miavaka
Mainty ho an’ny fisaonana, mena ho an’ny rà latsaka
Tsy niala tao ambavan’ny very mahery ny tonom-bavaka
Ny fahorian’ny hafa tokoa fifalian’ny sasany
Soa fa nisy ilay tsy niangatra anadina @ ora farany
Ka ny valifaty tsy nilaina, ny lalàn’ny taliona tsy nila nampiasaina
Fa niavaka ny toetsain’ny t@ finoana no notezaina
Nalahelo mafy fa maha-fehy tena, mitraka fa tsy nahamenatra ny faharesena
Fa ireo mahery fo niady amboninahitra, nanao ny ainy tsy ho zavatra
Tsy matimaty foana fa maty namela hafatra
Namela kamboty, fa tsy maintsy mandalo izany mba any aoriana ahafahana mioty lesona
Fa ny mahery fo maty ho an’ny taniny tonga fahasoavana fa tia tanindrazana
Ka aoka ny velona no hitantara, zanahary no hitsara
Fa tsy ho verivery foana ny herim-po sorona fa lovain’ny taranaka amam-para
Hivalombalona ny taona maro, hivalombalona ny taolam-balo
Vangivangim-panahy no nihaonana ary tsy ho hay ny tsy ahatsiaro
Mandraha-piavin’ny findaosan’ny fahaveloman’indray ny vatana
@ andro tsy mampaha-ory intsony ny fivoahan’ny varavaram-pasana
Fa @izao aloha val hala no toby fiandrasana
Mahery fo

Publicités
8 commentaires leave one →
  1. RAKOTONDRAVELO Maheriniaina permalink
    août 22, 2009 11:12

    sava be le vazo ;ny anarako mahery (aka avelo)de reveko be le izy misy ny my name .Peas be de BIG UP

  2. hhdago permalink*
    août 26, 2009 7:46

    Okay!

  3. septembre 13, 2009 8:21

    Aiz e!fa ra Buddha El Taga marina V buddhiste e! Ra « eny » D mitovy tsika zany. Za kou mants Buddhiste.Fanajana B d B oanlà. Reveko dôly lé vazo

  4. HH Dago permalink*
    septembre 22, 2009 6:24

    Kaiza lesy. Ra ny fahafantaranay azy aloha ohatran’ny tsy buddhiste lery eh 🙂

  5. ken permalink
    septembre 23, 2009 11:13

    Milay le philo e! tsara rehefa miakatra ny amban’ny tany ary tohizo.

  6. février 4, 2010 9:48

    kaiza éé!ra donat nga tsy aho tsonyu sa ahona

  7. croche permalink
    mars 23, 2010 9:33

    salut,

    milay le méta physique é!
    misaotra nahatonga anà o olombelona mana panah ka niala tam mah biby manan tsaina!

    jta dore! grand frêre

    saracroche!!!

  8. hosra permalink
    juillet 2, 2011 4:24

    milay lets e!toizo fa mlay .

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :